شاہین آفریدی کو ورلڈکپ نہ کھیلنے کا مشورہ

پاکستان کے سابق فاسٹ بولر عاقب جاوید نے انجری کا شکار شاہین آفریدی کو ورلڈکپ ٹی ٹوئنٹی نہ کھیلنے کا مشورہ دے دیا۔

میڈیا سے گفتگو میں عاقب جاوید نے کہا کہ شاہین شاہ آفریدی جیسے بولرز بہت کم ملتے ہیں وہ پاکستان کا اثاثہ ہیں ان کی ورلڈکپ سے زیادہ اہمیت ہے۔

انہوں نے کہا کہ شاہین آفریدی اب ری ہیب کے مرحلے میں ہیں ان کا فٹ ہونا ضروری ہے لیکن جیسی ان کی انجری ہے اس لحاظ سے اگر وہ ورلڈکپ نہ بھی کھیلیں تو خیر ہے۔

پاکستانی اوپنرز سے متعلق ان کا کہنا تھا کہ ایک ہی انداز میں کھیلنے والے زیادہ دیر تک کامیاب نہیں رہ سکتے حریف ٹیمیں ان کے خلاف پلان بنا لیتے ہیں۔

عاقب جاوید نے محمد رضوان کی مثال دیتے ہوئے کہا کہ وہ 16 اوورز تک کھیلتے رہے جب وہ اننگز کا آغاز کرنے آئے تو مطلوبہ اوسط 8 رنز فی اوور درکار تھی اور جب وہ آوٹ ہوئے تو 17 رنز پر ایوریج چلی گئی، اس سوچ کے ساتھ آپ زیادہ دیر تک نہیں رہ سکتے۔

from ARYNews.tv | Urdu – Har Lamha Bakhabar https://ift.tt/3Jcuf1C
via IFTTT