کراچی : ڈاکوؤں کی فائرنگ سے لڑکی کی ہلاکت کا مقدمہ درج

کراچی: کورنگی نمبر4 میں مبینہ ڈکیتی کے دوران فائرنگ سے لڑکی کی موت کے واقعے کا مقدمہ عوامی کالونی تھانے میں والد کی مدعیت میں درج کرلیا گیا۔

مدعی کا اپنے بیان میں کہنا ہے کہ گزشتہ رات گئے چھت پر لوگوں کے چلنے کی آواز سن کو سیڑھیوں پر گیا تو چھت پر کچھ لوگوں کو دیکھا اور نیچے آکر میں نے شور کرکے گھر والوں کو جگایا۔

لڑکی کے والد کا کہنا ہے کہ اچانک گھر کے داخلی راستے کے باہر سے فائرنگ کی آواز آئی، ملزمان کی جانب سے چلائی گئی گولی گھر کے اندر موجود میری بیٹی سحرالنساء کو لگی۔

مدعی نے بتایا کہ زخمی بیٹی کو اسپتال لے کر جارہا تھا کہ وہ راستے میں ہی دم توڑگئی، اسپتال میں بھتیجے نے آکر بتایا کہ پڑوسی کے گھر میں ڈکیتی کی واردات ہوئی ہے۔

پولیس کے مطابق مدعی کے بھتیجے کا کہنا ہے کہ ڈاکوؤں کے ساتھی چھت کے راستے سے ہمارے گھر داخل ہوئے اور کچھ باہر موجود تھے۔

from ARYNews.tv | Urdu – Har Lamha Bakhabar https://ift.tt/sk6DWzF
via IFTTT