مزید پڑھیں : اہلیان کراچی ہوشیار، جعلی نوٹ پھیلائے جانے کا انکشاف،

لاہور : کراچی کے بعد اب لاہور سے بھی جعلی نوٹ بنا کر ملک بھر میں پھیلانے والا گروہ پکڑا گیا، ملزمان کے قبضے سے بھاری مالیت کی جعلی کرنسی برآمد کرلی گئی۔

تفصیلات کے مطابق لاہور کی غالب مارکیٹ پولیس نے کامیاب کارروائی کرتے ہوئے جعلی کرنسی کے پھیلاؤ میں ملوث گروہ کے چار کارندوں کو حراست میں لے لیا۔

ملزمان 5 ہزار اور ایک ہزار روپے کے جعلی کرنسی نوٹوں کو اس مہارت سے چھاپتا تھا کہ اصلی نوٹوں کی پہچان کرنے والے بھی شش و پنج میں مبتلا ہوجاتے ہیں۔

پولیس حکام نے بتایا کہ گرفتار ملزمان پرنٹنگ سے شعبے سے وابستہ ہیں جنہوں نے اتنی زیادہ تعداد میں جعلی نوٹ چھاپے جس کی مالیت کا اندازہ ان کو بھی نہیں ہے۔

اس حوالے سے پولیس نے بتایا کہ مذکورہ ملزمان گزشتہ دو سال سے جعلی کرنسی بنانے کا دھندہ کررہے تھے، یہ گروہ جعلی نوٹ سپلائی کرنے کیلئے پاکستان کے چھوٹے شہروں اور قصبوں میں کارروائیاں کرتے تھے۔

مزید پڑھیں : اہلیان کراچی ہوشیار، جعلی نوٹ پھیلائے جانے کا انکشاف، 

گرفتار ملزمان کی نشاندہی پر پرنٹنگ پریس پر چھاپہ مارا گیا جہاں سے کروڑوں روپے مالیت کی جعلی کرنسی اور بڑی تعداد میں کاغذ اور دیگر خام مال تحویل میں لے لیا گیا۔

from ARYNews.tv | Urdu – Har Lamha Bakhabar https://ift.tt/MlLU3AR
via IFTTT