’تم اس بندھن میں صرف ’بندھ‘ گئیں‘

اے آر وائی ڈیجیٹل کے ڈرامہ سیریل ’مجھے پیار ہوا تھا‘ میں ماہیر کی سچائی گھر والوں کے سامنے آگئی۔

ڈرامہ سیریل ’مجھے پیار ہوا تھا‘ میں وہاج علی (سعد)، ہانیہ عامر (ماہیر)، زاویار نعمان (اریب)، شہود علوی، سلمیٰ حسن، سبینہ سید، نور الحسن، رابعہ کلثوم، جاوید شیخ، انجلین ملک، وشما فاطمہ، عائشہ مرزا، امبر خان، شاہین خان ودیگر اداکاری کے جوہر دکھا رہے ہیں۔

ڈرامے کی کہانی سدرہ سحر عمران نے لکھی ہے جبکہ اس کی ہدایت کاری کے فرائض بدر محمود نے انجام دیے ہیں۔

’مجھے پیار ہوا تھا‘ کی کہانی سعد، اریب اور ماہی کے گرد گھومتی ہے سعد چاچو کی بیٹی ماہیر سے محبت کرتے ہیں لیکن جب انہیں یہ معلوم ہوتا ہے کہ وہ اریب سے محبت کرتی ہیں تو وہ ان سے شادی سے انکار کردیتے ہیں لیکن اریب عین شادی کے وقت بارات لے کر نہیں پہنچتے۔‘

سعد اور ماہی کے نکاح کے باوجود ماہیر اس رشتے سے خوش نہیں ہیں، سعد ان سے کہتے ہیں ’ماہی زندگی اتنی سستی چیز نہیں ہیں کہ اپنی ناکام محبت کے پیچھے اس کا سودا کردیں۔تم جیسا کہو گی وہ ہوگا میں وعدہ کرتا ہوں تمہیں چھوڑ دوں گا۔

گیارہویں قسط کے پرومو میں دکھایا گیا کہ ’ماہی کہتی ہیں کہ ’محبت کے دعویدار جب عزت نہ دے سکیں تو محبت قابل اعتبار نہیں رہتی۔‘

سعد کہتے ہیں کہ ’خواہش تو یہی تھی کہ تمہاری خوشی بھی شامل ہوتی اس بندھن میں لیکن تم اس بندھن میں صرف بندھ گئی ہو۔‘

ماہیر کی سچائی جاننے کے بعد ان کے گھر والے اب کیا کریں گے؟ کیا ماہی اریب کو بھول کر سعد کو قبول کرلیں گی؟ یہ جاننے کے لیے اگلی قسط دیکھیں۔

from ARYNews.tv | Urdu – Har Lamha Bakhabar https://ift.tt/HQAlgfc
via IFTTT