مودی منصوبہ ناکام، ہندو پنڈت مقبوضہ کشمیر سے بھاگ کر بھارت پہنچ گئے

نئی دہلی: نریندر مودی کا مذموم منصوبہ ناکامی سے دوچار ہو گیا ہے، ہندو پنڈت مقبوضہ کشمیر سے بھاگ کر بھارت پہنچ گئے۔

تفصیلات کے مطابق بھارتی وزیرِ اعظم نریندر مودی کا مقبوضہ کشمیر میں ہندو پنڈتوں کو بسانے کا منصوبہ ناکام ہو گیا، ہندو پنڈت مقبوضہ وادی سے فرار کر بھارت پہنچ گئے، اور واپس جانے سے انکار کر دیا۔

اپوزیشن رہنما راہول گاندھی نے نریندر مودی کو خط لکھ کر کہا کہ ہندو پنڈتوں کو زبردست مقبوضہ وادی میں واپس جانے پر مجبور کرنا ظالمانہ عمل ہے۔

واضح رہے کہ بھارتی حکومت نے 4 ہزار ہندو پنڈتوں کو وادی میں ملازمتیں دی تھیں۔

راہول گاندھی نے لکھا ’’میں نے جموں میں کشمیری پنڈتوں کے ایک وفد سے ملاقات کی جنھوں نے مجھے بتایا کہ سرکاری اہل کار انھیں کشمیر واپس جانے پر مجبور کر رہے ہیں، حکومت انھیں کسی دوسرے محمکوں میں کھپائے۔‘‘

प्रधानमंत्री जी, भारत जोड़ो यात्रा के दौरान कश्मीरी पंडितों के प्रतिनिधिमंडल ने मुझसे मिलकर अपने दुखद हालात बताए।

आतंकियों की टारगेटेड किलिंग के शिकार कश्मीरी पंडितों को बिना सुरक्षा गारंटी घाटी में जाने के लिए विवश करना निर्दयी कदम है।

आशा है, आप इस विषय में उचित कदम उठाएंगे। pic.twitter.com/1LnxDkT8i9

— Rahul Gandhi (@RahulGandhi) February 3, 2023

راہول گاندھی نے مقبوضہ جموں و کشمیر کے لیفٹیننٹ گورنر منوج سنہا کی جانب سے کشمیری پنڈتوں کو ’بھکاری‘ کہنے پر بھی احتجاج کیا، اور مودی کو خط میں لکھا کہ ’’ایسے الفاظ استعمال کرنا نہایت غیر ذمہ داری کا مظاہرہ ہے، شاید آپ مقامی انتظامیہ کی بے حسی سے واقف نہیں ہیں۔‘‘

from ARYNews.tv | Urdu – Har Lamha Bakhabar https://ift.tt/9IjHwam
via IFTTT