عثمان خالد بٹ کے والد انتقال کرگئے

شوبز انڈسٹری کے نامور اداکار عثمان خالد بٹ کے والد ڈاکٹر خالد سعید بٹ انتقال کرگئے۔

سماجی رابطے کی ویب سائٹ ٹوئٹر پر اداکار عثمان خالد بٹ نے افسوسناک اطلاع دیتے ہوئے لکھا کہ ’ان کے پیارے والد 13 تاریخ کی رات انتقال کرگئے۔‘

عثمان خالد بٹ نے بتایا کہ اُن کے والد کی خواہش کے مطابق ان کی نماز جنازہ جمعہ کو بعد نماز جمعہ خالد مسجد، کیولری گراؤنڈ ایکسٹینشن، لاہور میں ادا کی جائے گی۔

Inna lillahi wa inna ilayhi raji’un.

Our beloved father, Dr. Khalid Said Butt, passed away peacefully on the night of the 13th. As per his wishes, his Namaz-e-Janaza (funeral prayers) will be held at 2:30 pm on Friday at Khalid Masjid, Cavalry Ground Extension, Lahore. pic.twitter.com/fabOAwiteu

— Osman Khalid Butt (@aClockworkObi) April 13, 2023

اداکار نے ٹوئٹ کرتے ہوئے اپنے مرحوم والد کی شعبۂ فن و ثقافت کے لیے خدمات سے سوشل میڈیا صارفین کو آگاہ کیا۔

انہوں نے لکھا کہ ان کے والد ڈاکٹر خالد سعید بٹ نے پاکستان نیشنل کونسل آف دی آرٹس (پی این سی اے) کے بانی ڈائریکٹر جنرل، سابق ڈائریکٹر جنرل لوک ورثہ، سابق ایم ڈی این اے ایف ڈی ای سی، سابق ڈی جی نیشنل ہجرہ کونسل کی حیثیت سے شعبۂ فن و ثقافت کی خدمات انجام دی ہیں۔

عثمان خالد بٹ نے بتایا ہے کہ ان کے مرحوم والد اسٹیج اور اسکرین کے ایک معزز اداکار، ہدایت کار اور مصنف بھی تھے، انہوں نے پی ٹی وی کے کئی لیجنڈری فنکاروں کو لانچ کیا۔

He was the Founding Director General of the Pakistan National Council of the Arts, former DG of Lok Virsa, former MD NAFDEC, former DG National Hijra Council. He was an esteemed actor, director and writer of stage and screen, responsible for launching the careers of /cont’d

— Osman Khalid Butt (@aClockworkObi) April 13, 2023

انہوں نے اپنے والد مرحوم کی مغفرت کی دعا کی درخواست کرتے ہوئے مزید بتایا ہے کہ ان کی بے پناہ خدمات کے نتیجے میں حکومت پاکستان کی جانب سے پرائیڈ آف پرفارمنس سے جبکہ حکومتِ فرانس کی طرف سے آفیسر دی لورڈری ڈیس آرٹس ایٹ ڈیس لیٹریس سمیت کئی اعزازات سے نوازا جا چکا ہے۔

Allah unkay darjaat buland karay. Please say a prayer for his maghfirat.
This is truly a tremendous loss.

Omar, Michelle and Osman.

— Osman Khalid Butt (@aClockworkObi) April 13, 2023

واضح رہے کہ عثمان خالد بٹ کا شمار شوبز انڈسٹری کے نامور اداکاروں میں ہوتا ہے وہ متعدد ڈراموں میں اداکاری کے جوہر دکھا چکے ہیں۔

from ARYNews.tv | Urdu – Har Lamha Bakhabar https://ift.tt/p5GHcOk
via IFTTT