مچھلی کا شکار کرنے والوں کے لیے خوش خبری

کراچی: سندھ کے سمندری علاقوں میں ماہی گیری پر پابندی عارضی طور پر معطل کر دی گئی۔

تفصیلات کے مطابق مون سون سیزن میں سندھ میں سمندر میں مچھلی کے شکار پر پابندی عائد کی گئی تھی، تاہم یہ پابندی اب عارضی طور پر اٹھالی گئی ہے۔

محکمہ لائیو اسٹاک اور فشریز کی جانب سے 20 دن کے لیے ماہی گیری پر عائد پابندی ختم کرنے کا نوٹیفکیشن بھی جاری کر دیا گیا ہے۔ محکمہ لائیو اسٹاک اینڈ فشریز سندھ کا کہنا ہے کہ ماہی گیری پر عائد پابندی یکم جون سے 20 جون تک ختم کی گئی ہے۔

پابندی کے عارضی خاتمے کے بعد اب بیس جون تک ماہی گیر سمندر میں مچھلی کا شکار کر سکیں گے، واضح رہے کہ مچھلی پر پابندی کے باعث مارکیٹ میں مچھلی کی قیمتوں میں بہت زیادہ اضافہ ہو گیا تھا، جس میں اب کمی کا امکان ہے۔

from ARYNews.tv | Urdu – Har Lamha Bakhabar https://ift.tt/QWMpbqc
via IFTTT