برین ٹیومر کیسے ہوتا ہے؟ علامات اور علاج

اگر آپ کو اکثر چکر آتے ہیں یا ہر وقت سر درد رہتا ہے، اگر کوئی کام کرتے ہوئے ہاتھ پاؤں کانپتے ہیں تو ان علامات کو بالکل نظر انداز نہ کریں کیونکہ ہوسکتا ہے کہ یہ علامات دماغ میں ٹیومر کی ہوں۔

اے آر وائی نیوز کے پروگرام باخبر سویرا میں کنسلٹنٹ نیورو سرجن ڈاکٹر محمد رافع نے برین ٹیومر کی علامات اور اس کے علاج کے بارے میں ناظرین کو آگاہی فراہم کی۔

انہوں نے بتایا کہ برین ٹیومر یا دماغ کی رسولی کے دو آپشنز ہوتے ہیں پہلا پرائمری اور دوسرا سکینڈری۔ جب سر میں ٹیومر بننا شروع ہوتا ہے تو کوئی علامات ظاہر نہیں ہوتیں لیکن جیسے جیسے یہ بڑا ہونا شروع ہوتا ہے تو تکلیف کا احساس ہونے لگتا ہے اور سکینڈری اسٹیج میں جگر گردوں چھاتی اور پھیپھڑے کے امراض کے بعد کینسر کے خلیے پھیل کر دماغ تک پہنچتے ہیں۔

ڈاکٹر محمد رافع کا کہنا تھا کہ جب دماغ کی رسولی بڑھنے لگتی ہے تو علامات واضح ہونا شروع ہوجاتی ہیں جن میں جن میں بولنے میں دشواری محسوس کرنا، نظر کی کمزوری، جسم کو متوازن رکھنے میں دشواری، ہر وقت متلی یا الٹی کا احساس ہونا، مستقل سر درد، ہمیشہ تھکاوٹ محسوس کرنا، ہاتھ ،پیروں میں سنسناہٹ، چیزیں بھول جانا شامل ہیں۔

انہوں نے بتایا کہ جب ٹیومر پھیلتا ہے تو یہ دماغ میں موجود جسم کو جوڑنے والے اعصاب کو نقصان پہنچانا شروع کر دیتا ہے جس کی وجہ سے فالج کا حملہ ہوتا ہے۔ اس بیماری کا واحد علاج سرجری ہے، برین ٹیومر کا بروقت علاج نہ کیا جائے تو یہ جان لیوا بھی ہوسکتا ہے۔

from ARYNews.tv | Urdu – Har Lamha Bakhabar https://ift.tt/dEU3ycD
via IFTTT