لیبیا کی جیلوں میں 15 ہزار سے زائد پاکستانیوں کے قید ہونے کا انکشاف ہوا ہے۔
اے آر وائی نیوز کے مطابق سنہرے مستقبل کی آس میں وطن چھوڑ کر یورپ جانے کے خواہشمند 15 ہزار پاکستانی لیبیا کی جیلوں میں 7 ماہ سے قید ہیں اور رہائی کے لیے مسیحا کے منتظر ہیں۔
لیبیا کی جیل کی ویڈیو سوشل میڈیا پر وائرل ہورہی ہیں جس میں قیدی اپیل کررہے ہیں کہ جیل میں کئی ساتھی بیمار ہیں اور کئی بستر مرگ پر موجود ہیں۔
ویڈیو میں قیدی کا کہنا ہے کہ ’جیلوں میں بچے بھی قید ہیں، ہمیں کھانا دیا جاتا ہے نہ ہی کوئی دوا ملتی ہے جس کے باعث زندگی کو خطرہ لاحق ہے۔
لیبیا کی جیلوں میں 15 ہزار پاکستانیوں کے قید ہونے کا انکشاف#ARYNews pic.twitter.com/DTiZSLp1lc
— ARY NEWS (@ARYNEWSOFFICIAL) July 16, 2023
قیدی کا کہنا ہے کہ انسانی اسمگلروں لیبیا پہنچایا جہاں انتظامیہ نے قید کرلیا۔
قیدی نے وزیراعظم شہباز شریف سے اپیل کی کہ ہماری مدد کریں ورنہ یہاں موجود بیشتر قیدی اپنی زندگی کا خاتمہ کرلیں گے۔
جسٹس ہیلپ لائن کے سفیر میاں مبین اختر نے حکومت سے اپیل کی ہے کہ پاکستانیوں کی رہائی کے لیے ہنگامی بنیادوں پر اقدامات کیے جائیں۔
واضح رہے کہ لیبیا کی جیلوں میں قید پاکستانیوں سے متعلق دفتر خارجہ کا تاحال کوئی مؤقف سامنے نہیں آیا ہے۔
from ARYNews.tv | Urdu – Har Lamha Bakhabar https://ift.tt/kRJoQTj
via IFTTT
No comments:
Post a Comment
please do not enter ant\y spam link in comment box