بم کی افواہ کے بعد ایفل ٹاور کو خالی کرالیا گیا

بم کی افواہ کے بعد فرانس کی مشہور زمانہ ایفل ٹاور کو خالی کرالیا گیا، تاہم دو گھنٹے بعد ہی پھر اسے سیاحوں کے لیے دوبارہ کھول دیا گیا۔

غیرملکی میڈیا رپورٹس کے مطابق فرانسیسی حکام نے بتایا کہ یہ ایک جعلی الارم تھا، ہفتے کو اسے دو گھنٹے کے لیے خالی کرایا گیا تھا، لوگ دوبارہ سے ایفل ٹاور جاسکتے ہیں، ایفل ٹاور میں 20 سے 25 ہزار کے قریب سیاح روز آتے ہیں تاکہ اس تاریخی مقام کو اپنی آنکھوں سے دیکھ سکیں۔

ایس ای ٹی ای جو کہ اس علاقے کا انتظام دیکھتی ہے، اس کا کہنا ہے کہ بم ڈسپوزل ماہرین اور پولیس نے اچھی طرح سے اس جگہ کی تلاشی لے لی ہے جب کہ ایک ریستوران کو بھی پوری طرح سے چیک کیا گیا ہے۔

ترجمان خاتون نے بتایا کہ اس طرح کی صورتحال میں سرچ کا یہ عمل نارمل ہے، ٹاور کے تینوں فلورز اور اسکوائر کو سیاحوں سے خالی کرالیا گیا تھا۔

واضح رہے کہ اس تاریخی ٹاور کی تعمیر کا آغاز جنوری 1887 میں ہوا تھا جبکہ مارچ 1889 میں اس کی تکمیل ہوئی، 1889 میں ہی ہونے والے ورلڈ فیئر میں اسے دیکھنے تقریباً دو ملین سیاح آئے تھے۔

from ARYNews.tv | Urdu – Har Lamha Bakhabar https://ift.tt/rqmTLa0
via IFTTT