الیکشن کمیشن کی چیف سیکریٹری خیبر پختونخوا کو ہٹانے کی ہدایت

الیکشن کمیشن نے چیف سیکریٹری خیبر پختونخوا ندیم اسلم چوہدری کو ہٹانے کی ہدایت کی ہے، سیکرٹری اسٹیبلشمنٹ کو خط ارسال کردیا۔

اے آر وائی نیوز کے مطابق الیکشن کمیشن کی جانب سے خیبر پختونخوا کے چیف سیکریٹری ندیم اسلم چوہدری کو عہدے سے ہٹانے کی ہدایت جاری کی گئی ہے، سیکریٹری الیکشن کمیشن نے ندیم اسلم سے متعلق سیکریٹری اسٹیبلشمنٹ کو خط لکھ دیا ہے۔

خط میں لکھا گیا ہے کہ چیف سیکریٹری خیبر پختونخوا فرائض غیرجانبداری سے انجام دینے سے قاصر ہیں، آزادانہ اور منصفانہ انتخابات کے لیے غیرجانبدار افسر کا ہونا ضروری ہے۔

چیف سیکریٹری خیبر پختونخوا الیکشن کمیشن کو مطلوبہ مدد فراہم کرنے سے قاصر ہیں، مذکورہ افسر کو فوری طور پر کسی موزوں اور تجربہ کار افسر سے تبدیل کیا جائے۔

خط کے متن میں کہا گیا ہے کہ وہ افسر تعینات کیا جائے جو صوبے کو غیرجانبداری اور مطلوبہ کارکردگی کے ساتھ چلائے۔

واضح رہے کہ صوبے کے چیف سیکریٹری ندیم اسلم کو ہٹانے کے حوالے سے درخواست سیکریٹری الیکشن کمیشن عمرحمید نے کی ہے۔

from ARYNews.tv | Urdu – Har Lamha Bakhabar https://ift.tt/sGVfih8
via IFTTT