’میچ ہار گئے لیکن دل جیت لیے‘

پاکستان میں متعین برطانوی ہائی کمشنر کرسٹن ٹرنر نے آسٹریلیا کے ہاتھوں ٹی 20 ورلڈ کپ میں پاکستان کی شکست کے بعد ٹویٹر پر پیغام شیئر کردیا۔

تفصیلات کے مطابق پاکستان میں متعین برطانوی ہائی کمشنر کرسٹن ٹرنر نے سماجی رابطے کی ویب سائٹ ٹویٹر پر لکھا کہ ’میچ چاہے ہار گئے پر دل جیت لیا۔‘

انہوں نے لکھا کہ ’پاکستان کرکٹ ٹیم نے اچھی کرکٹ کھیلی۔‘

کرسٹن ٹرنر نے مزید لکھا کہ ’اب پاکستان اور انگلینڈ کے درمیان سیریز کی جانب دیکھنا چاہیے‘

Match chahaay haar gaye par dil jeet liya. Well played Team Looking fwd to a #PakVsEng tour now #PakVsAus @TheRealPCB

— Christian Turner (@CTurnerFCDO) November 11, 2021

واضح رہے کہ آسٹریلیا نے پاکستان کو ٹی 20 ورلڈ کپ کے دوسرے سیمی فائنل میں پانچ وکٹوں سے شکست دے کر فائنل کے لیے کوالیفائی کیا۔

آسٹریلیا نے پاکستان کی جانب سے دیا جانے والا 177 رنز کا ہدف 19ویں اوور میں 5 وکٹوں کے نقصان پر حاصل کرلیا، میتھیو ویڈ کو 41 رنز کی جارحانہ اننگز کھیلنے پر میچ کا بہترین کھلاڑی قرار دیا گیا۔

اس سے قبل قومی ٹیم کے کپتان بابراعظم نے آسٹریلیا کے خلاف میتھیو ویڈ کا کیچ ڈراپ ہونے کو ٹرننگ پوائنٹ قرار دیا تھا۔

میچ کے اختتام پر بابراعظم کا کہنا تھا کہ آسٹریلیا جیسی ٹیم کو چانس دیں گے تو وہ میچ لے لیں گے کچھ غلطیاں ‏ضرور ہوئیں لیکن مجموعی طور پر ٹیم نے اچھا کھیلا۔

The post ’میچ ہار گئے لیکن دل جیت لیے‘ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3qv9ffC
via IFTTT