بھارتی خلائی ادارے نے چاند اور زمین کی تصاویر جاری کردیں

بھارتی خلائی ادارے اسرو کی جانب سے چند ہفتے قبل ایک مشن چاند پر بھیجا گیا تھا، اب اس خلائی گاڑی نے مذکورہ سیارے کی تصاویر زمین پر بھیجی ہیں۔

غیرملکی میڈیا رپورٹس کے مطابق ’اسرو‘ نے چندریان3 نامی خلائی گاڑی سے لی گئی دو تصاویر میڈیا اور عوام کے لیے جاری کی ہیں، ہندوستانی خلائی تحقیقی ادارے کی جانب سے جاری تصاویر میں سے ایک زمین کی ہے جب کہ دوسری چاند کی ہے۔

لینڈر امیجر (ایل آئی) کیمرہ سے کھینچی گئی پہلی تصویر زمین کی ہے، مذکورہ تصویر14 جولائی کو اس وقت لی گئی جب چندریان 3 کو ستیش دھون خلائی مرکز سے لانچ کیا گیا۔

دوسری تصویر چاند کی ہے جو کہ 6 اگست کو خلائی گاڑی سے لی گئی ہے جب کہ اسے لینڈر ہوریزنٹل ویلوسیٹی کیمرہ (ایل ایچ وی سی) کے ذریعے کھینچا گیا ہے۔

Chandrayaan-3 Mission:
viewed by
Lander Imager (LI) Camera
on the day of the launch
&
imaged by
Lander Horizontal Velocity Camera (LHVC)
a day after the Lunar Orbit Insertion

LI & LHV cameras are developed by SAC & LEOS, respectively https://t.co/tKlKjieQJS… pic.twitter.com/6QISmdsdRS

— ISRO (@isro) August 10, 2023

اس سے قبل ’اسرو‘ چاند کی ویڈیو بھی جاری کرچکا ہے جو چندریان3 نے یکم اگست کو چاند کے مدار میں داخل ہونے کے دوران بنائی تھی۔

from ARYNews.tv | Urdu – Har Lamha Bakhabar https://ift.tt/Uyd0Y5A
via IFTTT